कोणत्याच पक्षाचे नाही म्हणणारे चंदू पाटील मारकवार कॉंग्रेसचे ‘स्टार प्रचारक’
आम्ही राजगड गावात सर्व अविरोध निवडणूक आलो आहोत. आम्ही कोणत्याही पक्षाचे नाही असे सांगणारे राजगड या गावचे उपसरपंच चंदू पाटील मारकवार हे कॉंग्रेस उमेदवार संतोष रावत यांचा धुवाधार प्रचार करीत आहेत. एकीकडे आपल्या गावातील ग्राम पंचायतीचे इतर पदाधिकारी यांनी भाजपात जावू नये म्हणून दबाव टाकणारे चंदू पाटील मारकवार हे स्वत: मात्र कॉंग्रेसचा प्रचार करीत असल्यांने ‘त्यांचे डबल ढोलकी’वर राजगड परिसरात चांगलीच चर्चा आहे.
राजगडचे सरपंच रविंद्र चौधरी यांनी चंद्रपूर येथे पालकमंत्री सुधीर मुनगंटीवार यांचे कार्यालयात जावून पक्ष प्रवेश केला होता. या पक्ष प्रवेशावर चंदू पाटील मारकवार यांनी आक्षेप नोंदवित, असा पक्ष प्रवेश झालाच नसल्यांचा दावा केला. मात्र सरपंच चौधरी यांनी पक्ष प्रवेश घेतल्यांचे मान्य केल्यांने चंदू पाटील अस्वस्थ झाल्यांचे दिसले व लगेच ‘आम्ही राजीनामा देवू’ असे घोषीत केले. गावात पक्षविरहीत निर्णय होतात. ग्राम सभेत निर्णय होतात. ग्राम पंचायतीचे सर्व सदस्य मिळून एकत्रीत निर्णय घेतो असे सांगणारे चंदू पाटील मारकवार गावकर्यांची ग्रामसभा न घेताच, किंवा ग्राम पंचायत पदाधिकार्यांची एकत्रीत निर्णयाची वाट न पहाताच, ‘मी म्हणजे गाव’ अशी भूमीका घेत कॉंग्रेसचा प्रचार सुरू केल्यांचे गावकर्यात चर्चेला उधाण आले आहे.
राजगडचे सुपुत्र, ज्यांचेमुळे राजगडला जिल्हयात ओळख मिळाली, असे प्रकाश पाटील मारकवार हे विधानसभेत रिंगणात आहेत, मात्र गावच्या उमेदवारांच्या बाजूने न राहता, भविष्यात कॉंग्रेसची जिल्हा परिषदेची उमेदवारी मिळावी यासाठी ते कॉंग्रेसच्या दावणीला गाव बांधत असल्यांचा आरोप होत आहे.
पालकमंत्री सुधीर मुनगंटीवार यांनी गावच्या विकासाला निधी देत नसल्यांचा चंदू पाटील मारकवार यांचा आरोप आहे. मात्र विकासाचा एकही प्रकल्प घेवून ते संविधानिक पदावर असलेले पालकमंत्री मुनगंटीवार यांची भेट घेतली नाही. केवळ पक्ष विरोधी भुमीकेमुळे गावचा विकास होवू दिला नाही याच चर्चा आता गावात सुरू आहे. राजगडच्या आजुबाजूचे सरपंच, लोकप्रतिनिधी पालकमंत्री यांचेकडे जावून विकास निधी आणत आहेत, ते सर्वच काही भाजपात गेले नाही, मात्र राजगडचे सर्वेसर्वा चंदू पाटील मारकवार यांना मंत्री सुधीर मुनगंटीवार यांचेकडे जावून गावाकरीता विकास निधी आणतांना कमीपणा वाटतो काय? असा प्रश्न आता गावकरी विचारीत आहे. सरपंच चौधरी यांनी गावाकरीता दोन सामाजीक सभागृह मंजूर करवून गावात विकास निधी आणत असतांना, केवळ पक्ष विरोध म्हणून चंदू पाटील यांनी हे कामही होवू दिले नाही. चंदू पाटील मारकवार हे कॉंग्रेसच्या विचाराचे आहे, त्यांनी कॉंग्रेसचा खुला प्रचार करावा मात्र, गावातील इतरांना जर दुसर्यांचा प्रचार करीत असेल तर, दबावाचे राजकारण करून गावचा विकास थांबवू नये असे मत गावकरी व्यक्त करीत आहे.
